Formidabel dugnadsinnsats

Favoritten til små og store råtassar, svart løype, har fått seg ein skikkeleg overhaling denne hausten.

Ihuga jenter og gutar med motorsager har lagt ned det meste av småskog for at den brattaste nedfarten i anlegget vårt skal bli lettare å preppa, og kjekkare å gje gass i for deg med ski under beina.

 Også på vestsida av Holen-trekket, kalla ski høgre, er det gjort ein solid innsats for å gje oss betre skiopplevingar komande vinter. Også her har dugnadsgjengen frisert vekk småskog, men her står det rikeleg med portar att i form av vaksne fjellbjørker.

 Gled deg til snøen lavar ned – og send gjerne nokre gode tankar til den fantastiske dugnadsgjengen vår.