Det nærmar seg opning
Det tek enno noko tid før me kan opne dei store trekka, men snøen som kom i natt er gull verdt for oss. Me kryssar fingrane for at det skal kome noko meir.
Mildveret har medført at mykje av snøen som kom tidlegare har smelta. Vidare har det byrja å renne vatten i bekken, dette vatnet har me no fått nytta til å produsere snø i henget ned om Kalvavatni, dette er det mest kritiske området i høve å få opna opp Holen trekket. No er det diverre slutt på vatnet i bekken der oppe, me flyttar derfor snøkanona ned til botn av henget der det enno er litt vatn å hente.
Fram til den tid har me ope i Toyotabarnetrekk og i Dalalåven. Det er og fint å ta turen på fjellski til Høgehaug.
Velkommen til fjells !
